Ooops ! You forgot to enter a stream url ! Please check Radio Player configuration

Home News Local News ONYO DHIDI YA VIONGOZI WA JAMII WANAOTOA MATAMSHI YA UCHOCHEZI

ONYO DHIDI YA VIONGOZI WA JAMII WANAOTOA MATAMSHI YA UCHOCHEZI

Onyo kali limetolewa dhidi ya wanasiasa wanaotumia viongozi wa jamii kuchochea wananchi kwani watachukuliwa hatua kali za kisheria.

Viongozi wa jamii mbalimbali katika kaunti ya Isiolo wamekuwa wakiidhinisha baadhi ya viongozi kuwania viti kwenye uchaguzi mkuu wa Agosti, jambo ambalo huenda likachochea siasa za matabaka au misingi ya kikabila.

Akizungumza na radio shahidi kamishena wa kaunti ya Isiolo Geoffrey Omoding’ amewahimiza wanasiasa kudumisha Amani kwa kuhakikisha wanaendesha kampeni bila kuchochea wananchi.

“Naomba wanasiasa wadumishe amani wanapoendesha kampeni na wananchi wasikubali kutumika vibaya kuleta rabsha,” Omoding’ alisema,

Haya yanajiri baada ya mwenyekiti wa baraza la wazee wa jamii ya wasomali katika kaunti ya Isiolo Abdulahi Shariff kudaiwa kutoa matamshi ya uchochezi kwenye mkutano uliofanyika siku ya jumapili katika wadi ya Kinna.

Kwenye mkutano huo Shariff alichochea watu ambao ni wafuasi wa dini mojawapo kuhakikisha kwamba hawamchagui kiongozi ambaye si mfuasi wa dini hiyo, hususan kwenye kiti cha ugavana na naibu wake kwenye kaunti ya Isiolo.

Aidha Omoding’ alisema kuwa tayari uchunguzi umeanzishwa kuhusiana na kisa hicho, akiahidi kuwa hatua za kisheria zitachukuliwa dhidi ya Shariff. Hata hivyo aliwahimiza wakaazi katika kaunti ya Isiolo kudumisha usalama.

“Nawahakikishia wananchi kuwa uchaguzi utafanyika bila tashwishi yoyote na watakaohusika na kuleta rabsha watakamatwa.”

Viongozi mbalimbali, wakiwemo wa kidini walijitokeza kukashifu matamshi yanayodaiwa kuwa ya uchochezi kutoka kwa Bw. Shariff.

Katibu wa baraza la kidini katika kaunti ya Isiolo Stephen Kalunyu aliwaomba wanasiasa kuwa mstari wa mbele kueneza amani wanapofanya kampeni zao mwaka huu.

“Tushirikiane na kitengo cha usalama kuhakikisha amani imedumishwa katika kaunti hii.”

Serikali imeahidi kuchunguza visa vyote vya matamshi ya uchochezi yanayolenga uchaguzi mkuu wa Agosti mwaka huu, huku viongozi kadha wakifunguliwa mashtaka kwa kutoa maneno ya chuki.

RELATED ARTICLES

MSIMAMIZI MKUU WA UCHAGUZI KAUNTI YA ISIOLO ASEMA UCHAGUZI UJAO UTAKUWA HURU NA WA HAKI

By; Wanjumbi Kamachu Siku kadha baada ya tume ya uchaguzi na mipaka nchini iebc kuhitimisha zoezi la kuwaidhinisha wagombea...

MAFUNZO KWA WAHUDUMU WA AFYA YAPUNGUZA IDADI YA VIFO VINAVYOHUSIANA NA UZAZI KATIKA KAUNTI YA GARISSA

Kaunti ya Garissa inaendelea kutia juhudi ili kuhakikisha idadi ya vifo vya kina mama wajawazito vimepungua; hii ni kwa mujibu wa mwenyekiti...

WAKAAZI KAUNTI YA ISIOLO WAHIMIZWA KUPOKEA CHANJO YA COVID-19

Wakaazi wa kaunti ya Isiolo wamehimizwa kujitokeza kwa wingi kupokea chanjo ya ugonjwa wa Covid-19. Wa hivi karibuni kutoa...

LEAVE A REPLY

Please enter your comment!
Please enter your name here

Most Popular

IGATHE AUZA SERA ZAKE KWA WAFANYABISHARA WA SEKTA YA KIBINAFSI

Anayewania kiti cha ugavana katika kaunti ya Nairobi Polycarp Igathe, ameendeleza siasa zake za kukipata kiti hicho katika mkutano ambao alikutana na...

MSIMAMIZI MKUU WA UCHAGUZI KAUNTI YA ISIOLO ASEMA UCHAGUZI UJAO UTAKUWA HURU NA WA HAKI

By; Wanjumbi Kamachu Siku kadha baada ya tume ya uchaguzi na mipaka nchini iebc kuhitimisha zoezi la kuwaidhinisha wagombea...

MAFUNZO KWA WAHUDUMU WA AFYA YAPUNGUZA IDADI YA VIFO VINAVYOHUSIANA NA UZAZI KATIKA KAUNTI YA GARISSA

Kaunti ya Garissa inaendelea kutia juhudi ili kuhakikisha idadi ya vifo vya kina mama wajawazito vimepungua; hii ni kwa mujibu wa mwenyekiti...

WAKAAZI KAUNTI YA ISIOLO WAHIMIZWA KUPOKEA CHANJO YA COVID-19

Wakaazi wa kaunti ya Isiolo wamehimizwa kujitokeza kwa wingi kupokea chanjo ya ugonjwa wa Covid-19. Wa hivi karibuni kutoa...